ஆலயவழிபாட்டு முறைகளை வேத சாஸ்திரங்கள் 'ஆகமங்கள்' மூலம் வகுக்கின்றன. பல ஆகமங்களில் முதன்மையானது "ஸ்ரீ வைகானச பகவத் சாஸ்த்ரம்', இது பகவானின் இதயத்திலிருந்து தோன்றிய ஸ்ரீ விகனச முனி என்பவரால் இயற்றப்பட்ட அருமையான ஒன்று.  எம்பெருமான் ஸ்ரீமன் நாராயணன் பிரம்மாவை படைத்த பின்னர், நான் பூலோகத்தில் ஆலயங்களில் அவதரித்து மக்களுக்கு அருள் புரிவேன், என்னை ஆகம  வழிமுறைகளை உருவாக்கி ஆராதியுங்கள் என்றார். ஆனால், பிரம்மா  மற்றும் பல ரிஷிகளும் அது எங்களால் தவறின்றி செய்ய முடியாது எனத் தயங்கினர் , அதனால் பகவான் தன் மனத்திலிருந்து ஸ்ரீ விகனஸ  மகரிஷியை தோற்றுவித்து, அவருக்கு அனைத்து வேத சாஸ்த்திரங்களையும் தாமே உபதேசித்தார். மேலும் விவரங்கள் ஸ்ரீ விகனஸ உத்பத்தி சரித்திரம் என்னும் பக்கத்தில் காண்க.